Smyril Line fer ikki at banna el-bilum umborð á Norrønu

Í Noreg hevur reiðaríið Havila gjørt av, at tey ikki longur fara at flyta el-bilar umborð á sínum ferjum á leiðini frá Bergen til Kirkenes.

Felagið, ið eigur Havila, eigur eisini í Smyril Line, men sambært stjóranum, Jens Meinard Rasmussen, fara tey í Smyril Line ikki at fylgja leistinum hjá sokallaðu 'hurtigruten' í Noregi.

Jens Meinhard Rasmussen, Smyril Line

Tað eru battaríini, ið eru viðkvom fyri eldi og gerast vandamikil, um eldur kemur í.

Hetta merkir eisini, at serliga reglur vera fyri el-bilar umborð á eitt nú Norrønu.

Smyril Line ger eisini íløgur fyri at økja um útbúnaðinum umborð á Norrønu at basa eldar, ið koma av el-bilum, tí í Smyril Line vænta tey, at talið av el-bilum fer at vaksa.