Ketlavirkið nógv at gera hóast oljufýringar vera bannaðar

Hóast tað frá ársskiftinum komandi ikki longur verður loyvt at leggja inn oljufýringar í nýggjar bygningar, fær tað onga ávirkan á virksemið hjá fyritøkuni Hógv í Runavík, sum ger ketlar.

Síðani síðst í 80-unum hevur Hógv, sum er einasta ketlavirki í Føroyum, gjørt væl yvir 4.000 ketlar til føroyska marknaðin.

- Tvørturímóti hava vit nógv at gera, tí fólk stúra eitt sindur fyri, hvat politikararnir kunnu finna uppá á orkuøkinum, sigur Jákup Olsen, stjóri í Hógv.