Ólavsøkan verður aðalroyndin hjá nýggju Havnará

Nýggja útgávan av Havnará, sum er komin á Vaglinum, sleppur veruliga at standa sína roynd á ólavsøku.

Ólavsøkuaftan er stór skrúðgonga við ítróttarfólkum og rossum, ólavsøkudag er kórsangur á Tinghúsvøllinum og ólavsøkukvøld tann stóri felagssangurin.

Tróndur Sigurðsson

"Alt verður sum tað plagar, sjálvt um áin er komin, sigur formaðurin í byggi- og býarskipanarnevndini í Tórshavnar býráð, Tróndur Sigurðsson.

havnará

Tróndur Sigurðsson vísir á, at nýggja Havnará ikki hevur tikið meira enn 15 fermetrar av Tinghúsvøllinum. 

Fyrsta stóra royndin hjá nýggju Havnará var leygardagin, tá hon bleiv tikin alment í nýtslu.

Aðalroyndin verður á ólavsøku. 

Havnará

Nýggja, eftirgjørda áin er løgd oman á ta gomlu Havnará, og mong hava ført fram, at hetta er ein rættiliga dýr loysn, ið kostar nógvar milliónir.

Havnará

Tróndur Sigurðsson vísir hinvegin á, at í veruleikanum vóru ikki aðrir møguleikar, tí tað hevði hvørki verið bíligari ella betri at grivið ta gomlu ánna framaftur.