40.000 fólk fingið boð um at rýma

Fleiri túsund íbúgvar hava fingið boð um at fara úr økinum. Eldur er í einum 64.000 ferkilometrar stórum øki.

Umleið 500 sløkkiliðsfólk royna at fáa tamarhald á støðuni, og tyrlur og flogfør verða brúkt í arbeiðnum at sløkkja eldin.

Fleiri hús eru longu brend í grund. 40.000 fólk fólk hava fingið boð um at fara frá húsum undan herviliga skógareldinum.

Tilbúgvingin á hægsta stigi

Myndugleikarnir heita á fólk um at akta boðini beinanvegin, um tey fáa boð um at fara úr vandaøkinum.

Tilbúgvingin er á hægsta stigi í Kalifornia eftir nógva turkin og eftir harða Santa Ana-vindin, sum kemur millum fjøllini í Suðurkalifornia.

Vindurin kemur lættliga upp í 18 metrar um sekundið, hann er lýggjur og turrur, og tí er vindurin hættisligur, tá ið skógareldar herja.