Hevur fund við Starvsmannafelagið í dag

Semingsstovnurin hevur fund við Starvsmannafelagið klokkan eitt í dag um sáttmálasamráðingarnar.

Fundur er ikki avtalaður við Lønardeildina enn, sigur Terje Sigurðsson, semingsmaður.

Semingsstovnurin hevur fingið tilfar frá Starvsmannafelagnum og Fíggjarmálaráðnum um sáttmálasamráðingarnar, sum slitnaðu fríggjadagin.

Tað verður brúkt til at fáa greiðu á, hvussu støðan er í samráðingunum.

Fíggjarmálaráðíð sendi boð eftir Semingsstovninum.

Fyrsti fundur 17. oktober

Starvsmannafelagið og Lønardeildin hjá Fíggjarmálaráðnum høvdu fyrsta samráðingarfundin 17.oktober í fjør.

Sáttmálin frá 2017 fór úr gildi 1.oktober í fjør.

Men langt er millum tað, sum Starvsmannafelagið krevur í lønarhækking, og tað, sum Fíggjarmálaráðið vil lata.

Fríggjadagin sendi Fíggjarmálaráðið so boð eftir Semingsstovninum.