Oljuskip rendi á land á Drelnesi

Løgreglan sigur í dag, at skipið rendi við gronini í bryggjukantin. Skipið fekk ikki stórvegis skaða, men bryggjan fekk nakað av skaða.

Havnarmeistarin í Tvøroyri sigur í stuttari viðmerking, at skipið hevði ikki nógva ferð, tá ið tað rendi á, og nú liggur skipið við kei á Drelnesi.

Hvørki mannskaði ella umhvørvisskaði stóðst av hendingini, sigur løgreglan.

Løgreglan var umborð á skipinum stutt eftir hendingina, og kannaði ymisk viðurskifti. Tær kanningarnar vístu, at hvørki skipari ella loðsur vórðu ávirkaðir av rúsdrekka og at viðurskiftini annars vóru í lagi.

Tað verður helst eitt sjóforhoyr, men enn er óvist nær, tí fleiri kanningar skulu gerast áðrenn.