1870 vaktin svarar alt samdøgrið

Nú ber til at ringja til læknavaktina alt samdøgrið allar dagar í vikuni. 

Hetta hendir, eftir at trýstið á bæði læknavaktina 1870 og corona linjuna hevur verið so stórt seinastu dagarnar, at tað hevur verið trupult hjá fólk við bráðfeingis sjúkum at sleppa framat og fáa samband við lækna.

Tí er avtala gjørd við Heilsutrygd og Kommunulæknafelagið um, at 1870 svarar allan sólarringin, upplýsir Heilsumálaráðið. 

Bert til sjúk ella tey við sjúkutekin

Læknavaktin er ætlað til fólk, sum eru sjúk ella halda seg hava sjúkutekin.

Um fólk hava aðrar spurningar um corona smittuna, eru tey vælkomin at senda ein teldupost til corona@hmr.fo.

Eisini er møguligt at fáa svar uppá ofta settar spurningar á heimasíðuni hjá Heilsumálaráðnum www.hmr.fo