Sjey føroyingar smittaðir afturat

Sjey føroyingar afturat eru smittaðir við COVID-19. Tað staðfesta kanningar, sum vórðu gjørdar í gjár. Tað upplýsir landslæknin í morgun.

Sostatt hava tilsamans 18 føroyingar fingið staðfest coronavirus. Tilsamans 199 føroyingar eru nú í sóttarhaldi, og 517 eru kannaðir fyri smittuna.

Tað upplýsir Løgmansskrivstovan á heimasíðuni corona.fo. Í gjár vórðu gjørdar tilsamans 190 kanningar, staðfestir Heilsmálaráðið.

Rætting: Myndugleikarnir upplýstu fyrr í morgun, at talið var økt til 21. Myndugleikarnir rættaðu síðani talið til 18, og tá varð hendan greinin eisini dagførd.