Innstillað til norðurlendska bókmentavirðisløn

Innstillað til norðurlendska bókmentavirðisløn
Rakel Helmsdal er aftur í ár innstillað til barna- og ungdómsbókmentavirðisløn Norðurlandaráðsins
 
02.04.2020 - 15:22

Hon er innstillað fyri bókina Loftar tú mær? Rakel Helmsdal hevur bæði skrivað og teknað bókina. Rakel Helmsdal og Kathrina Skarðsá, sum teknar, vóru í fjør innstillaðar fyri barnabókina Miljuløtur.

14 bøkur úr øðrum Norðurlondum eru eisini innstillaðar. Dómsnevndin sigur um myndabókina Loftar tú mær?, at Rakel Helmsdal setir orð og myndir á eitt evni, sum trupult kann vera at tosa um. 

Huglagið er syrgið, men samstundis eisini lívsjáttandi, av tí at bókin lýsir deyðan sum ein natúrligan og óvikiligan part av lívinum, ein part, sum ikki bara tey vaksnu, men eisini børnini uppliva. 

Eisini innstillað til virðisløn hjá Útnorðurráðnum

Júst samspælið millum tekst og orð gevur frásøgnini eina serliga dýpd og bjóðar bæði barninum og tí vaksna lesaranum av. 

Serliga mátin, sum myndirnar spæla við ljós og myrkur, og teir mongu margtýddu smálutirnir gera, at teksturin víðkast, og at lesarin upplivir eina kenslu av nærveru. 

Við hesi myndabókini hevur Rakel Helmsdal ikki bara gjørt eitt stórt avrik sum rithøvundur, men eisini sum myndprýðari. Bókin hjá Rakel Helmsdal er eisini inntillað til virðirlønina hjá Útnorðurráðnum.

Er kopiera
Nýggjastu sendingar í ÚV
Sunnudag 23. februar
Guðstænasta Í Norðskála kirkju
188169
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151

Meira um sama evni