SEV: Grøna orkan minkaði í fjør

Grøna orkan hjá SEV minkaði góð níggju prosent í fjør sammett við 2018. 2019 var turrasta árið í fimm ár, og minni vindur var eisini í fjør. 

Kortini var grøna elframleiðslan í meginøkinum oman fyri 80 prosent í 17,2 dagar í fjør, og í 5,9 dagar var elframleiðslan í meginøkinum 100 prosent grøn, upplýsir SEV.

Eftirspurningurin eftir streymi vaks í fjør. Hann vaks næstan tiggju prosent. SEV brúkti 144 milliónir krónur til olju í fjør.

Hetta er 38 milliónir krónur meira enn í 2018 og næstan 60 milliónir krónur meira enn í 2017. SEV hevði 62 milliónir krónur í vinningi eftir skatt í fjør.