Gitte Henning 1 setti met í Noregi

Gitte Henning 1 hevur landað størstu svartkjaftalast, sum er landað í Noregi.

Hetta er størsta lastin, bæði í nøgd og virði. 

Tað skrivar Varðin á heimasíðuni og brúkar norska Fiskeribladet sum keldu.

Lastin var 3.429 tons og bleiv seld fyri góðar 11 mió. norskar krónur, sum eru 7,45 mio. føroyskar krónur.

Gitte Henning 1 fiskaði í fimm dagar.

Skipið fekk 3,23  norskar krónur, sum eru 2,17 føroyskar krónur, fyri kilo.