KÍ rennur undan hinum

Evy á Lakjuni skoraði einasta málið í dystinum, tá KÍ vann norðoyastevnudystin og toppdystin móti NSÍ.

Sigursmálið kom beint fyri steðgin, og hóast NSÍ royndi at javna, eydnaðist tað ikki teimum gulu og svørtu.

ÍVB vann endiliga

ÍF/Víkingur/B68 fekk sín fyrsta sigur í ár. Jacoba Langgaard legði felagsliðið framum móti EBS/Skála við brotssparki beinanvegin, og Mona Rasmusdóttir økti miðskeiðis í fyrra hálvleiki.

Í seinna hálvleiki minkaði Lea Lisberg um munin, men nærri komu tær kortini ikki.

Grannauppgerðin í Havn millum HB og B36 endaði við 1-1 javnleiki. Helena H. Johannesen legði B36 framum í fyrra hálvleiki, men Elin Maria Isaksen javnaði eftir steðgin við brostssparki.


KÍ - NSÍ, 1-0
1-0 Evy á Lakjuni, 44 min.

ÍVB - EBS/Skála, 2-1
1-0 Jacoba Langgaard, 7 min. (br.)
2-0 Mona Rasmusdóttir, 26 min. 
2-1 Lea Lisberg, 61 min.

HB - B36, 1-1
0-1 Helena H. Johannesen, 20 min.
1-1 Elin Maria Isaksen, 50 min. (br.)