Gera sáttmála um Jákup Sverra

Klokkan 10 fóru Maskinmeistarafelagið og Fíggjarmálaráðið undir triðja fundin í sáttmálasamráðingunum millum partarnar.

Ólavur Gunarsson, formaður í Maskinmeistarafelagnum, sigur, at fundurin í dag, sum er settur at vara í tveir tímar, fer at snúgva seg um onnur viðurskifti enn sjálva lønina.

M.a. skal ein sáttmáli gerast fyri maskinmenninar, sum skulu umborð í nýggja havrannsóknarskipið, Jákup Sverra, ið verður liðugur í summar.

Har er spurningurin, um skipið skal skrásetast sum farmaskip ella fiskiskip, og munur er á teimum sáttmálunum.

Maskinmeistarafelagið fer fríggjadagin á fund við Kommunala arbeiðsgevarafelagið um nýggjan sáttmála, sigur Ólavur Gunnarsson.