Farmatúrur í nátt seinkaði Sam

Tað vóru ikki tekniskir trupulleikar, sum gjørdu, at Sam ikki sigldi tveir teir fyrstu túrarnar í morgun.

Á heimasíðuni hjá Strandfaraskipum landsins stóð annars, at tekniskir trupulleikar vóru orsøkin.

Men Sam hevur ongar slíkar trupulleikar.

Orsøkin var, at Sam bleiv seinkaður á einum farmatúri í nátt.

Betongbilur

Sam sigldi við betongbilum til eitt arbeiði í sjónum vestan til á Streymonni.

Tað arbeiðið varð seinkað, og tí sigldi Sam ikki til Syðradals í morgun, sigur Jóhan Petur Abrahamsen, rakstrarleiðari hjá Strandferðsluni.

Hann sigur, at Sam ger slíkar túrar við tungum farmi næstan hvørja nátt.