Bústaðarpolitikkurin grovt álop á Havnina

Tað er eitt grovt álop á Havnina, at eitt serligt krav um avkast skal setast á tær leiguíbúðir, sum Bústaðir fer at byggja í Havn, sigur Annika Olsen, borgarstjóri.

-Eingin orsøk er til at seta almenna og privata bygging upp ímóti hvørji aðrari, tí brúk er fyri báðum, sigur borgarstjórin.

Annika Olsen er bæði ovfarin og hørm um, at nýggi bústaðarpolitikkurin hjá Elsebeth Mercedis Gunnleygsdóttir og samgonguni - tá hann nú endiliga gjørdist veruleiki - skuldi enda við, at tey, sum vilja leiga sær bústað í Havn, skulu revsast við hægri leigukostnaði, um tað er almenna felagið Bústaðir, ið byggir.