Minni útgoldið í lønum

Framrokningin sigur, at var eingin korona, vórðu 50 milliónir krónur fleiri latnar í løn í Føroyum í juni.

Lønirnar vóru góðar 840 milliónir krónur í juni, men framrokningin sigur 890 milliónir. Munurin er 5,3 prosent.

Í mai var munurin millum veruligu lønirnar og framrokningina 9,1 prosent, í mars var eingin munur, og í apríl var munurin góð seks prosent.

Arbeiðsloysisstuðul og lønarískoyti telja ikki við í tølunum.