193 hvalir løgdu beinini á Sandi

Seðlarnir í grindini, sum doyði á Sandi í gjár, komu út klokkan sjey í morgun.

Grindin er býtt í gestapartar, teir eru 184, heimapartar og bátspartar. Parturin er 0,9 skinn.

Í Sandoyar sýslu eru eisini Skúgvoy og Stóra Dímun, og fólk har fáa eisini part.

1743 skinn

Grindin er stór, 193 hval, og tað geva 1743 skinn, sigur sýslumaðurin, Finnbogi Midjord.

Hvalirnir eru stórir, miðalskinnið er 9,2. Vanliga plagar tað talið at vera sjey.

Grindin varð funnin seinnapartin í gjár á Sandsvág, út fyri bygdina. Fólk umborð á Sildberanum sóu hana. 

Seinast, grind var á Sandi, var í 2014.