Dan í Soylu tveitti NSÍ úr FM stríðnum

Eingin tekur í løtuni HB, sum nú hevur sett kósina einsamalt móti FM. 

NSÍ hevði trupult við at fóta sær í dag, og við tveimum málum frá Dan í Soylu var eingin ivi um, at HB er besta liðið í deildini. 

HB- NSÍ   2-0 (1-0)
31 min: Mikkel Dahl brendi brotsspark. 
38 min: 1-0 Dan í Soylu
65 min: 2-0 Dan í Soylu

Víkingur og KÍ, 12-0, 11 málskjúttar 

KÍ heldur góðu gongdini frá sigrinum á NSÍ við Løkin á ólavsøku. Í dag stóð eitt veikt Skála lið fyri tørni. 
Skála hevur skift venjara til dagsins dyst. Bill M. Jacobsen er givin, og Sorin Anghel hevur tikið yvir sum høvuðsvenjari.

Men tað var ikki í dag, at Sorin Anghel fekk vent gongdini hjá Skála. 
Eftir bert 17 minuttir var Skála longu aftanfyri við trimum málum. 

Kí avrikaði sannførandi við seks málum og fimm málskjúttum. 

Víkingur vísti eisini, hvør dugur er í teimum, tá spælið og málskjótingin rigga. 

Venjarin, Eyðun Klakstein, segði aftan á tapið fyri B36, at nú hugdu teir ikki eftir stigatalvuni longur. 

Útfrá dagsins sigri kann man siga, at tað riggaði at skifta fokus. Víkingur skjeyt seks mál, og málini komu frá seks ymsum málskjúttum. 

Úrslitini 

Skála- KÍ:  0-6 (0-3)
6 min:   Jóannes Bjartalíð
15 min:  Jóannes Bjartalíð
17 min:  Jóannes K. Danielsen
68 min:  Deni Pavlovic
81 min:  Páll Klettskarð
88 min: Jonn Johannesen

Víkingur- EB/Streymur   6-0- (5-0)
16 min: Sølvi Vatnhamar 
22 min: Gunnar Vatnhamar
32 min: Finnur Justinussen
35 min: Jákup Johansen
44 min: Ari Olsen 
60 min: Noah Mneney