Juan Carlos er í Emiratunum

Fyrrverandi spanski kongurin, Juan Carlos, er í Sameindu Arabisku Emiratunum. Tað upplýsir ein talsmaður kongshúsið, sambært Reuters.

Hann fór úr Spania 3. august, og er í Emiratunum.

Juan Carlos er undir illgruna fyri at hava tikið ímóti 600 milliónum kr. í mutri frá Saudiarabia.

Flýddi av landinum 

Myndugleikarnir í Spania hava gjørt av at kanna málið, og tá rýmdi kongurin.

Nú er nógv orðaskifti í Spania um leiklutin hjá kongshúsinum, og um kongshúsið eigur at verða tikið av.

Tað var Franco, generalur og einaræðisharri, sum sat við valdinum í Spania í nógv ár, ið tilnevndi Juan Carlos kong.