Arbeiðið skal byrja síðst í oktober

Fimm byggifeløg verða nú biðin um at geva tilboð upp á høvuðsarbeiðstøkuna í sambandi við nýggju svimjihøllina í Havn.

Spakin skal setast í síðst í oktober.

Byggingin skal eftir ætlan vera liðug um ársskiftið 2022/2023. Bygt verður vestanfyri verandi svimjihøll, sum kom í 1982.

Samtykt varð á eykabýráðsfundi í gjárkvøldið at bjóða arbeiðið út.

Ikki einmælt

Samtyktin var ikki einmælt. Tróndur Sigurðsson og Annfinn Brekkstein atkvøddu ímóti.

Og Helena Dam á Neystabø og Halla Samuelsen atkvøddu blankt.

Tey, sum ikki atkvøddu fyri, halda, at nógvir spurningar um langhylin eru ósvaraðir, millum annað hvussu verkætlanin verður fíggjað.