Jeppe og Jenis hittast í dag

Árligi fundurin ímillum danska uttanríkisráðharran Jeppe Kofod, sum kom til Føroya í gjár, og landstýrismannin í uttanríkismálum Jenis av Rana verður í dag.

Jenis av Rana og Jeppe Kofod fara millum annað at fundast um trygdarstøðuna í Norðurhøvum, langtíðarætlan fyri arktiska arbeiðið hjá bæði Føroyum og Danmark og styrkt samstarv á uttanríkis- og trygdarpolitiska økinum.

Fundurin verður í Tinganesi, og tá fundurin er lokin kl. 11 verður tíðindafundur.