Gunnar Nielsen ikki við

Tá ið føroyska A-landsliðið fer í eldin í Andorra sunnudagin, verður málverjin, Gunnar Nielsen, ikki við.

Sóttarhaldsreglurnar í Íslandi hava fingið felagið hjá Gunnari Nielsen, FH Hafnarfjørður, at senda boð eftir málverjanum at koma aftur til Íslands, og tí verður hann ikki við í dystinum móti Andorra.

- Tað er sjálvandi sera harmiligt, at eg ikki kann vera við til dystin í Andorra, men tað er ikki so nógv at gera við tað. Eg eri sera glaður fyri, at vit fingu ein sigur í gjár, og eg eri eisini vísur í, at liðið nú fer til Andorra, og klárar seg væl, sigur Gunnar Nielsen við heimasíðuna hjá Fótbóltssambandi Føroya. 

Í staðin fyri Gunnar Nielsen, hevur landsliðsvenjarin, Håkan Ericson, sent boð eftir Kristiani Joensen úr KÍ. 

Føroyska ferðalagið fór úr Vágum fyri løtu síðani.