Breivik vil verða royndarleyslatin

Norðmaðurin, Anders Behring Breivik, sum er dømdur fyri yvirgang, krevur nú at verða royndarleyslatin.

Sakførari hansara hevur latið rættinum kravið.

- Hann hevur sitið avbyrgdur í átta ár eftir dómin, sigur Øystein Storrvik, sakførari.

21 ár

Breivik varð dømdur 21 ár í trygdarvarðhald fyri at hava dripið 77 fólk í Utøya og í álopi á stjórnarbygningin í Oslo 22. juli 2001.

Eftir dómin stevndi Breivik í 2015 norska statin fyri brot á mannarættindi. 

Hann fekk partvíst viðhald í býarrættinum í Oslo, men í landsrættinum varð niðurstøðan, at eingi brot vórðu framd á mannarættindi hjá Breivik.

Sakførarin hjá Breivik boðar nú frá, at Breivik fyrireikar nýggj rættarmál móti norska statinum um umstøðurnar í trygdarvarðhaldinum.