Johan Dahl spyr um netið hjá SEV

Streymur, netið hjá Sev og grøn orka eru evnini í fyrsta skrivliga fyrispurninginum í hesari tingsetuni.

Johan Dahl, løgtingsmaður, spyr Helga Abrahamsen, landsstýrsmann, um hesi evni.

Løgtingið skal í morgin atkvøða, um Helgi Abrahamsen skal svara.

Johan Dahl hevur seks spurningar.

Hann spyr millum annað, um Helgi Abrahamsen veit um streymprísirnar í Danmark, har sum framleiðsla og net eru skild sundur, og ein liberalisering er gjørd.

Johan Dahl sigur, at hann spyr, so sjónarmiðini hjá fleiri viðkomandi pørtum kunnu koma við í arbeiðinum hjá landsstýrismanninum við einari nýggjari skipan á elorkuøkinum.