Tríggir tilburðir staðfestir í gjár

Tríggir koronusmittutilburðir vórðu staðfestir í gjár. 

Og nú er eitt fólk á sjúkrahúsi í sambandi við koronusmittu, sigur Heilsumálaráðið.

Ein av teimum trimum smittaðu er ein næmingur á skúlanum við Løgmannabreyt.

Næmingurin hevur ikki verið í skúla síðani mánadagin, og flokkurin, sum næmingurin gongur í,  nú sendur til hús og skal kannast fyri koronu, sigur Jón Kragesteen, varaskúlastjóri í skúlanum í Løgmannabreyt.

Talan er um einstakan tilburð sum ikki ávirkar restina av skúlanum siga tey frá skúlanum á Løgmannabreyt.

Gjørdar eru 121.107 kanningar í Føroyum. Í gjár vórðu 1675 kanningar gjørdar.

35 fólk eru nú smittað í Føroyum.

94 fólk eru í sóttarhaldi.