Tríggir smittutilburðir í gjár

Tríggir smittutilburðir av koronu vórðu staðfestir í gjár, vísa nýggjastu tølini hjá Landslæknanum. 

Tey smittaðu eru avbyrgd, og Landslæknin er farin undir smittusporingina.

Í gjár vórðu 1060 kanningar gjørdar, og allar kanningarnar eru liðugt greinaðar. Tilsamans eru 129.038 kanningar gjørdar.

463 fólk hava fingið staðfest smittuna í Føroyum, og 428 eru staðfest frísk. Sostatt eru 35 fólk smittað í løtuni.

Eingin er innlagdur fyri koronu.