Nýtt umboðsráð valt

Tóra við Keldu fekk 494 atkvøður. Olaf í Garði Joensen á Eiði varð nummar tvey. Hann fekk 461 atkvøður. Tey eru bæði afturvald.

Fýra kvinnur og 14 menn eru vald, skrivar in.fo. 37 fólk stillaðu upp. 35 fólk eru í umboðsráðnum, og 18 blivu vald nú. 15 kvinnur stillaðu upp nú.

Tá hini 17 í umboðsráðnum vórðu vald í 2018, stillaði eingin kvinna upp. Valrætt høvdu 22.087 fólk. 7.431, 34 prosent valdu. 

Fólk, sum hava trygging hjá Betri, kunnu velja fólk í Umboðsráðið. Umboðsráðið er aðalfundur hjá Ognarfelagi tryggingartakaranna og velur til dømis nevndina í felagnum.