- Tíðindi, mentan og ítróttur
Eingin eykajáttan til yngri læknar
Eingin eykajáttan til yngri læknar
Samgongan og Sjálvstýri í fíggjarnevndini halda, at spurningurin eigur at verða viðgjørdur saman við fíggjarlógini fyri næsta ár
![](https://kvf.fo/sites/default/files/styles/grein-ovasta-mynd/public/landssjukrahusid_02.png?itok=poa-eNfL)
Meirilutin í fíggjarnevndini tekur ikki undir við uppskotinum hjá Javnaðarflokkinum um eykajáttan til yngri læknar
05.10.2020 - 14:14
Meirilutin í Fíggjarnevndini, samgongan og Sjálvstýri, tekur ikki undir við uppskotinum hjá Javnaðarflokkinum at lata 1,6 mió. kr. í eykajáttan til yngri læknar.
Meirilutin heldur, at spurningurin um fleiri pengar til yngri læknar eigur at verða viðgjørdur saman við uppskotinum um fíggjarlóg fyri 2021.
Kristina Háfoss í Tjóðveldi og Ruth Vang í Framsókn taka undir við uppskotinum, men vilja ikki taka pengar frá uttanríkistænastuni til sendistovu í Ísrael.
Javnaðarflokkurin vil fíggja eykajáttanina við pengum, sum eru ætlaðir sendistovuni í Ísrael.
Aksel V. Johannesen í Javnaðarflokkinum tekur undir við uppskotinum.
Hann heldur, at føroyingar hava nógv meira brúk fyri fleiri læknum enn sendistovu í Ísrael.
Nýggjastu sendingar í ÚV
Nýggjastu sendingar í SV