Yvirháling var orsøkin til ferðsluóhapp

Óhappið hendi, tá ið ein bilur, sum koyrdi suðureftir, yvirhálaði. Bilurin, sum koyrdi norðureftir, helt fjarstøðuna vera ov lítla og bremsaði fyri at forða samanstoyti.

Bilurin aftanfyri rendi síðan inn í bilin, sum bremsaði. Ein bilførari var kleimdur fastur og mátti klippast leysur.

Tvey fólk vóru flutt á Landssjúkrahúsið til kanningar. Løgreglan veit í morgun ikki, hvussu støðan hjá teimum er.

– Men eftir umstøðunum spældi væl av, sigur vakthavandi. Tríggir bilar fingu skaða í óhappinum.