Ein smittutilburður staðfestur aftrat

Nú er ein koronusmittutilburður funnin afturat í Føroyum.

Sambært tølunum, sum vórðu kunngjørd fyrrapartin, eru 478 staðfest at vera smittað. 467 teirra eru ikki smittað longur, so nú eru 11 sjúk.

Hetta er fyrsti fráboðaði smittutilburður síðani hósdagin í farnu viku.  

141.775 koronukanningar eru gjørdar í Føroyum. 69 fólk eru nú í sóttarhaldi. Eingin er innlagdur.