Tyrlan eftir fjallmanni

Boð vóru í morgun eftir bjargingartyrluni at flyta ein fjallmann á Landssjúkrahúsið. 

Tað var um níggju tíðina í morgun, at MRCC fekk eina fráboðan um, at ein steinur var dottin á beini á einum manni, ið var á fjalli nærhendis Skælingi. 

Tað var so mikið bratt har óhappið hendi, at mett var, at tað var best um tyrlan kom eftir honum og flutti hann til kanningar á Landssjúkrahúsinum.  

Sambært MRCC fór minni ein tími frá tí, at teir fingu boðini til maðurin var á Landssjúkrahúsinum.