Ein nýggjur tilburður

Ein nýggjur smittutilburður varð staðfestur í gjár. Tað vísa nýggjastu tølini hjá landslæknanum.

Viðkomandi er partur av smittuketu, sum landslæknin fylgir. Tann smittaði er avbyrgdur, og landslæknin er farin undir smittusporingina.

Í gjár vórðu 1.503 kanningar gjørdar, og allar kanningarnar eru liðugt greinaðar. Tilsamans eru 144.882 kanningar gjørdar.

Tilsamans hava nú 483 fólk fingið staðfest koronusmittuna í Føroyum. Tilsamans eru 472 fólk staðfest frísk aftur, og sostatt eru 11 fólk staðfest smittað í løtuni.

Eingin er innlagdur í sambandi við koronusmittuna í løtuni.