Dýrir haruhagar

Harumenn máttu djúpt niður í lumman, tá haruhagarnir í Kvívík vórðu seldir í gjár, skrivar Vágaportalurin. Fýra haruhagar í Kvívík vórðu seldir fyri tilsamans 129.000 krónur, sum er væl meira enn í fjør.

Norðihagi varð seldur fyri 31.000 krónur, Gásafelli fyri 38.000 krónur, Fjallið fyri 37.000 og Presthagi ella Frammihagi fyri 23.000 krónur.

Ein av orsøkunum til, at hagarnir í Kvívík í ár fóru fyri so nógv, kann vera, at tað er nógv hara at síggja, og at harumenn eru spentir, sambært Vágaportalinum.

Haruhagarnir í Vestmanna verða seldir á uppboði í dag.