Kristin Michelsen kann skipa meirluta

Núverandi borgarstjóri vil tó ikki siga, um borgarstjórin á Tvøroyri eisini í framtíðini eitur Kristin Michelsen

10.11.2020 - 21:55

Kristin Michelsen á Tvøroyri gjørdi aftur hesaferð eitt sera gott val, og listin hjá honum kann einsamallur skipa meiriluta á Tvøroyri.

Borgarstjórin á Tvøroyri, Kristin Michelsen, ið hesaferð stillaði upp á felagslistanum, gjørdi aftur í ár eitt sera gott val. Hann fekk 285 persónligar atkvøður.

Álitisváttan frá veljarunum

Hóast tað er eitt sindur færri enn til seinasta kommunuval, tá ið hann fekk 297 persónligar atkvøður, so fekk hann aftur hesaferð eina álitisváttan frá borgarunum á Tvøroyri.

Fýra fólk eru vald á felagslistanum, og trý fólk eru vald á Javnaðarlistanum.

Lurta eftir samrøðu, sum John Johannessen gjørdi við Kristin Michelsen.

Tey, sum eru vald á Tvøroyri, eru:

1	T	Kristin Michelsen	285
2	C	Bjarni Hammer	121
3	C	Kristina Roest	95
4	T	Anita Vibergsdóttir	84
5	T	Alvi Mortensen	63
6	C	Súsanna Bertholdsen	58
7	T	Jónleyg Jespersen Bech	43