Býráðið í Vági skipar seg fyri jól

Nývalda býráðið í Vági fer at skipa seg 21. desember.

Orsøkin til, at hetta ikki er gjørt fyrr, er tann, at tann eini býráðslimurin er burturstaddur og kemur aftur til Vágs sunnudagin 20. desember, sigur Dennis Holm, sum fekk nógv flestar atkvøður, 165, á valinum 10.november.

Dennis Holm er borgarstjóri í Vági. Men eftir nýggjár verður hann í minnilutanum í býráðnum.

Nýggjur meiriluti

Javnaðarflokkurin og Sambandsflokkurin hava skipað meiriluta, og Bjarni Johansen verður borgarstjóri.

Samstarvið millum Javnaðarflokkin og Tjóðveldi heldur uppat.

Dennis Holm hevur verið borgarstjóri í Vági í átta ár.

Dennis Holm, sum er samfelagsfrøðingur, hevur farloyvi frá Froðskaparsetrinum, og fer aftur í starv har 1.februar næsta ár.  

Dennis Holm