Nú kunnu tey (aftur) hava leingi opið

Nú ber aftur til at sita á matstovu og vitja skeinkistøð til út á náttina. Kunngerðin um at skeinkistøð og matstovur skulu lata aftur klokkan 22:00, fór úr gildi á midnátt.

Kunngerðin verður ikki longd, sigur Helgi Abrahamsen, landsstýrismaður í vinnumálum. Bárður á Steig Nielsen, løgmaður, sigur, at tilmælini, sum vóru kunngjørd fyri jól, eru framvegis í gildi.

Farsóttarnevndin fer á fundi í morgin klokkan trý at viðgera støðuna við koronusmittuni. Tá verður støða tikin til, hvørji tilmæli verða galdandi komandi tíðina.