Flogførini fluttu meira post í 2020

Annars eru øll tøl viðvíkjandi flogferðsluni í Føroyum nógv minni í fjør enn í 2019. Í fjør komu ella fóru góð 255 tons av posti við flogfari, knappliga sjey tons fleiri enn í 2019.

Farmurin fór næstan niður í helvt, úr 1.228 tonsum biður í 673 tons. Fráferðirnar og komurnar vóru 2.200 færri í fjør enn í 2019. Tær vóru 3.488 í fjør.

Ferðafólkatalið á flogvøllinum í Vágum minkaði næstan 60 prosent í fjør sammett við 2019. Minkingin er 57,6 prosent. Í 2019 vóru ferðafólkini 424.281 í tali. Í fjør vóru tey 179.788.