Eyðgunn onnur næstforkvinna í tinginum

Heðin Mortensen er farin í farloyvi úr løgtinginum, nú hann er vorðin borgarstjóri í Tórshavnar kommunu.

Eyðgunn Samuelsen hevur tikið sæti á tingi fyri hann.

Heðin Mortensen var eisini annar næstformaður í løgtinginum.

Eftir uppskoti frá Javnaðarflokkinum hevur tingið valt Eyðgunn Samuelsen í henda sessin.

Jógvan á Lakjuni er løgtingsformaður, og Johan Dahl er fyrsti næstformaður. Bjørt Samuelsen er eisini í formansskapinum.