Danmark leingir tiltøk til 28. februar

– Stjórnin hevur gjørt av, at leingja avmarkingarnar til 28. februar, sigur framsøgufólkið hjá Vinstra í heilsumálum, Martin Geersten. Hann hevur verið á fundi við heilsumálaráðharran, Magnus Heunicke, og løgmálaráðharran, Nick Hækkerup, skrivar DR.

Klokkan 17 fer Mette Fredriksen, forsætisráðharri, at hava tíðindafund, har hon fer at kunna nærri um støðuna.

Avmarkingarnar eru millum annað, at handlar og hárfríðkanarstovur og onnur skulu hava stongt, matstovur og kafé'ir kunnu bara selja út úr húsinum, og ikki er loyvt fleiri enn fimm fólkum at savnast.

Lesandi, næmingar á miðnámsskúlum og elstu næmingarnir í fólkaskúlunum skulu framvegis vera við hús.