Fitt av svartkjafti landaður á Tvøroyri

Skipini hjá Varðanum landaðu fitt av svartkjafti til virkið á Tvøroyri í desember og januar, skrivar heimasíðan, suðurrás, á netinum.

Seinastu tveir mánaðirnar hava skipini hjá Varðanum roynt eftir svartkjafti í føroyskum sjógvi. Svartkjafturin hevur verið góður, og støddin hampulig.

Fiskiskapurin hjá skipunum hevur ikki verið av tí besta, men væl hevur borið til, skrivar Suðurrás.

Tað mesta farið til Russlands

Finnur Fríði, Tróndur í Gøtu og Gøtunes landaðu í desember og januar tilsamans 17.320 tons av svartkjafti, sum alt er farið til matna.

Tað mesta av vøruni er farið til Russlands, og nakað er farið til Hvítarusslands og Ukraina, og til fleiri Afrikansk lond, teirra millum Nigeria, Liberia og Congo.

Skipini fáa eitt sindur betri prís fyri fiskin á Tvøroyri enn tá hann verður landaður til ídna. Hetta hevur eisini verið gott fyri virkið á Tvøroyri, tí hetta hevur skapt nakað av arbeiði.