Dreingir verri fyri enn gentur í fólkaskúlanum

Tað er Hans Harryson Hansen, varadekanur og útbúgvingarleiðari á læraraútbúgvingini, sum hevur granskað í próvtølum frá fráfaringarroynd fólkaskúlans í tíðarskeiðinum 2015 til 2019.

Genturnar fáa í miðal umleið eitt heilt próvtal hægri enn dreingirnir til fráfaringarroyndirnar. Tað er serliga í bókligum fakum at munurin er stórur, meðan munurin minkar í samband við eitt nú fimisrokning.

Í Skúlanum á Skúlatrøð í Klaksvík kenna tey seg aftur í úrslitunum frá kanningini.