Í dag er stóri framløgudagurin

Í dag er stóri framløgudagurin í løgtinginum. Okkurt um hálvthundrað tingmál vóru komin, tá freistin at lata Løgtingsskrivstovuni tey var farin á middegi síðsta fríggjadag.

Hetta eru mál, sum skulu avgreiðast í hesari tingsetuni. Fyrstu viðgerðir eru á skránni hjá tingingum týsdagin, mikudagin og hósdagin í næstu viku. 

Sambært tí álmanakka, sum nú er galdandi, fer tingið heim 29. apríl. Tingfundurin í dag er klokkan 13:30.