Donsk fyritøka roynir koppingarevni við fólki

Danska heilivágsfyritøkan, Bavarian Nordic, sigur seg nú fara undir at royna koppingarevni fyri koronu við fólki. Tað skrivar felagið í einum boðum til partabrævamarknaðin í morgun.

Koppingarevnið nevnist ABNCoV2, og hevur víst seg at virka væl fyri koronu.Fyrstu kanningarnar við fólki verða gjørdar á Radhoud Medical Centre í Hollandi.

– Vit eru fegin um at kunna almannakunngera nýggja koppingarevnið fyri koronu, og arbeiðið við at gera heilivágin enn betri, heldur fram, sigur stjórin í Bavarian Nordic, Paul Chaplin, í boðunum til partabrævamarknaðin.