- Tíðindi, mentan og ítróttur
Andstøðan ætlar at koma við felagssvari
Andstøðan ætlar at koma við felagssvari
Javnaðarflokkurin, Tjóðveldi og Framsókn hava viðgjørt uppskotið um tilfeingisgjald
16.03.2021 - 09:59
Líkt er til, at teir tríggir andstøðuflokkarnir koma við einum felagssvari til uppskotið frá Jørgeni Niclasen, landsstýrismanni, um tilfeingisgjald.
Aksel V. Johannesen, formaður í Javnaðarflokkinum, vil ikki siga nakað um innihaldið í svarinum, men hann sigur tó, at helst kemur eitt felags svar frá Javnaðarflokkinum, Tjóðveldi og Framsókn.
Hann væntar, at landsstýrismaðurin fær svarið í seinasta lagi í dag.
Andstøðulokkarnir fingu uppskotið mikudagin í síðstu viku, og teir hava nú viðgjørt tað.
Ruth Vang, forkvinna í Framsókn, hevur sagt, at flokkarnir vilja hvør í sínum lagi hava broytingar í uppskotinum hjá landsstýrismanninum.
Nýggjastu sendingar í ÚV
Nýggjastu sendingar í SV