Kanna enn grovt harðskapsmál

Løgreglan kannar framvegis eitt harðskapsmál, sum fór fram í Havn um tveytíðina leygarnáttina.

Talan er um eitt kvalifiserað harðskapsmál - sum tað verður nevnt - eftir grein 245 í revsilógini.

Tað vil siga, at talan er um serliga ráan og vandamiklan harðskap, har revsiramman er upp í seks ár.

Kanningar vórðu gjørdar í gjár, og fleiri kanningar afturat skulu gerast í málinum, sigur vakthavandi á Politistøðini í Havn.