Avhoyra Solberg fyri brot á koronutilmæli

Avhoyra Solberg fyri brot á koronutilmæli
Fleiri fólk enn loyvt vóru í veitslu, tá norski forsætisráðharrin helt 60 ára føðingardag
Erna Solberg, forsætisráðharri, er undir illgruna fyri at hava brotið koronutilmælini, tá hon fylti 60 ár
 
23.03.2021 - 14:31

Norska løgreglan avhoyrir Erna Solberg, forsætisráðharra, í sambandi við eina veitslu á Geilo herfyri, har nógv fólk var í veitslu.

Í síðstu viku fór løgreglan undir kanningar um brot á smittuverndarásetingarnar, í sambandi við 60 ára føðingardagsveitsluna hjá Ernu Solberg á Geilo. 

Maður Ernu Solberg, Sindre Finnes, verður eisini avhoyrdur.

Tá ið kanningar og avhoyringar eru lidnar, fer ákæruvaldið at taka støðu til, um ákæra skal reisast, upplýsir norska løgreglan fyri VG.

Higartil er eingin skuldsettur.

Ikki biðið um advokathjálp

Sambært VG, hava hvørki Erna Solberg ella maður hennara, sum varð avhoyrdur í gjár, biðið um advokathjálp.

Erna Solberg hevur skrivað á Facebook um mistøkini í sambandi við veitsluna,  m.a. at 14 í familjuni vóru í EINARI íbúð á gistingarhúsinum.

- Tað eru fýra ov nógv. Vit áttu ikki at gjørt tað, og eg átti at havt steðgað tí. Tað gjørdi eg ikki, og eg kann bara biðja um umbering, skrivar Erna Solberg.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565