Nærum eingin lønarvøkstur

Lønarvøksturin í Føroyum er nærum steðgaður upp.

Í mars vórðu 925 milliónir kr. útgoldnar í lønum. Tað eru knappar 50 milliónir fleiri enn í mars í fjør, skrivar Hagstovan.

Meðan vøkstur er í lønargjaldingunum í almennum tænastum og privatum tænastuvinnunum, er vøksturin steðgaður upp í byggivinnu, tilvirking, fiskivinnu og aðrari tilvirking.

Í mars áttu menninir 585 milliónir av lønargjaldingunum. Tað eru 13 milliónir fleiri enn sama mánað í fjør.

Kvinnurnar áttu 340 milliónir, sum eru 37 milliónir fleiri enn sama mánað í fjør, vísa tølini hjá Hagstovuni.

 

Í mars fingu mannfólk 585 milliónir kr. í lønum og konufólk 340 milliónir. Talva: Hagstovan