Meirvirðisgjaldið skal vera við í sølulýsingini

Hóast meirvirðisgjald fæst aftur fyri elbilar, vetnisbilar og hybridbilar, skal meirvirðisgjaldið vera við í sølulýsingum um hesar bilar.

Tað hava tey, sum selja bilar, fingið at vita frá Brúkaraumboðnum.

Marknaðarføringarlógin sigur, at meirvirðisgjald skal upplýsast, tá selt verður.

Bilsølurnar hava fingið at vita, at møguligt er eisini í lýsingum at vísa prísin, tá meirvirðisgjaldið er endurgoldið, ella at upplýsa um møguleikan at fáa meirvirðisgjald aftur.