Vegirnir til bergholið verða ikki breiðkaðir í ár

Vegirnir í sambandi við nýggja bergholið í Suðuroynni verða ikki breiðkaðir í ár. 

Leygardagin í næstu viku verður bergholið til Hvalbiar tikið í brúk.

Men vegir í Trongisvági og í Hvalba eru ikki breiðkaðir.

Í Trongisvági er talan um 1,1 kilometur og í Hvalba um 400 metrar.

20 mió. kr.

Bjarni Hammer, løgtingsmaður, hevur mælt til at lata 20 mió. kr. til hesar vegir.

Meirilutin í Fíggjarnevndini tekur undir við, at pengarnir skulu játtast. Men hann heldur, at pengarnir skulu við í langtíðarløguætlanina hjá samgonguni, ikki sum eykajáttan nú.

Minnilutin í Fíggjarnevndini, Aksel V. Johannesen, Páll á Reynatúgvu og Jógvan Skorheim, tekur undir við málinum. 

Minnilutin mælir tó til, at 18 milliónir og ikki 20, verða játtaðar.