Kunnu koyra við píkadekkum til hálvan mai

Nú er loyvt at brúka píkadekk til 15. mai. Tíðarskeiðið er longt hálvan mánað.

Sambært nýggjari kunngerð um dekk er ikki loyvt at brúka píkadekk frá 15. mai til 15. oktober.

Eftir gomlu kunngerðini, sum var frá 2013, stóð, at ikki er loyvt at nýta píkadekk frá 1. mai til 15. oktober.

Men framvegis er galdandi, at er kavi ella hált, so er ikki loyvt at brúka summardekk frá 1. desember til 30. apríl.